ıÝlııa Galysheva men bapkeri «Qurmet» ordenimen marapattaldy
Marapatty Qazaqstan Ulttyq Olımpıada komıtetiniń basshysy Tımýr Qulybaev tapsyrdy. Aıta ketý kerek, chempıon men bapker Elbasy Nursultan Nazarbaevtyń 2018 jylǵy 5 jeltoqsandaǵy Jarlyǵyna sáıkes, «Qurmet» ordenimen marapattaldy.
«Sizderdi joǵarǵy memlekettik nagradalaryńyzben quttyqtaımyn! Sizder shyn máninde úlken jumys atqardyńyzdar. Ótken jyly Olımpıada oıyndarynda sátti óner kórsetip, bıylǵy álem chempıonatynda barsha jankúıerdi altyn medalmen qýantyp otyrsyzdar. Sizder úshin bul jeńiske barar jol ońaı bolmaǵanyn bilemin. Aldymen qola júldege qol jetkizip, kelesi álem chempıonatynda kúmis medal enshiledińizder. Qazaqstan sporty tarıhynda tuńǵysh ret mogýldan álem chempıony atanyp, bıikten kóringenińiz úshin qýanyshtymyn. Memleket basshysynyń qoldaýy men Úkimettiń júıeli jumysy elimizdegi sporttyń damýyna serpin berip, jaqsy nátıjeler tirkelýde. Osy oraıda, qysqy jáne jazǵy sport túrlerin teń dárejede damytyp otyrǵan Shyǵys Qazaqstan oblysy basshylyǵynyń eńbegin de atap ótkim keledi», - dedi Qazaqstan UOK prezıdenti.
«Bizge berilgen joǵary marapat úshin aıtar alǵysymyz sheksiz. Biz shyn máninde úlken qoldaýdy kórip otyrmyz. Muny bizdiń kórsetkishterimizden baıqaýǵa bolady. Búginde biz tolyqqandy komanda jasaqtadyq. Jattyǵý jumystaryn júrgizip, joǵary nátıje kórsetý úshin barlyq jaǵdaı jasalǵan. UOK pen Mádenıet jáne sport mınıstrliginiń birlesken eńbegi arqasynda bizdiń aımaǵymyzda daıyndyqqa qajettiniń bári bar», - dep atap ótti E. Krýglyhına.
ıÝlııa Galysheva da memlekettik nagrada úshin alǵysyn bildirdi.
«Qurmet» ordeni - meniń búginge deıin alǵan eń joǵarǵy nagradam. Bul ári qaraı tynymsyz eńbektenýge úlken serpin beredi. Memleket basshysymen jáne Olımpıada komıtetiniń prezıdentimen ótken búgingi kezdesý elimizdegi sportshylardyń qoldaýsyz qalmaıtynyn kórsetedi. Bizdiń aldymyzda úlken mindetter tur. Bıik shyńdardy baǵyndyrý úshin aıanyp qalmaımyz», - dedi ıÝ. Galysheva.
Qazaqstan UOK prezıdenti jyl basynan beri jankúıerlerdi jetistigimen qýantqan sportshylardyń eńbegin umyt qaldyrǵan joq. Mogýl sportynyń ókilderinen bólek, kezdesýge «Tórt qurlyq chempıonaty» týrnıriniń kúmis júldesin jeńip alǵan mánerlep syrǵanaýshy Elızabet Tursynbaeva, Lahtıde ótken jasóspirimder arasyndaǵy álem chempıonatynyń qola júldegeri Sergeı Tkachenko jáne WBC nusqasy boıynsha birinshi orta salmaqta jastar arasyndaǵy álem chempıony atanǵan Sadrıddın Ahmedov te qatysty.
«2019 jyl Qazaqstanda Jastar jyly dep jarııalandy. Jas sportshylarymyzdyń jyldy jeńispen bastaǵany qýantady. Bizdiń komandamyzda ıÝlııa sekildi búkil sportshylardy sońyna ertetin kóshbasshy bar. Olardyń sońynan talanatty jastar eretinine senimdimin. Bizdiń sportshylar bul jetistikpen toqtamaı, bolashaqta jańa jeńisterimen jankúıerdi qýantady degen úmit mol», - dedi T. Qulybaev.
Jıynnyń resmı bóligi aıaqtalǵan soń sportshylar óz daıyndyǵy men bolashaqqa josparlarymen bólisti.
