ıÝlııa Engel: Ulttyq holdıngter men kompanııalar bıýdjetti ıgerý esepterinen tys qalyp jatyr
ASTANA. KAZINFORM — Bıýdjettiń atqarylýyna jaýapty organdardyń esepteri ulttyq kompanııalar men holdıngterge berilgen qarajatty aınalyp ótip jatyr.
Joǵary aýdıtorlyq palata múshesi ıÝlııa Engel mundaı tendentsııa jańa Bıýdjet kodeksine qaıshy ekenin aıtady.
— Jańa Bıýdjet kodeksiniń kvazımemlekettik sektor eseptiligin qamtamasyz etý jónindegi negizgi mindeti burmalanǵan. 2025 jylǵy bıýdjettiń atqarylýy boıynsha eseptilik jetkilikti shamada egjeı-tegjeıli kórsetilmeı, jınaqtalǵan kúıinde berilgen, — dedi ol Májiliste.
Onyń sózinshe, bıýdjetti ıgerý týraly esepter maqsatqa, mindetterge jáne óndiristik parametrlerge qol jetkizý týraly derekterdi qamtymaı, qarjylyq kórsetkishtermen shektelip jatyr.
— Ekonomıkada úlesi basym negizgi ulttyq holdıngter men ulttyq kompanııalardyń nátıjeliligi týraly naqty aqparat joq, — dedi JAP múshesi.
Aıta keteıik, Májiliste Úkimetpen Joǵary aýdıtorlyq palatanyń 2025 jylǵy respýblıkalyq bıýdjettiń atqarylýy týraly esepteri qaralyp jatyr.
