ıÝKOS-tyń burynǵy aktsıonerleri Reseıge qarsy iste ishinara jeńiske jetti
MÁSKEÝ. QazAqparat - Gaagadaǵy Tórelik soty ıÝKOS-tyń burynǵy aktsıonerleriniń Reseıge talabyn qanaǵattandyrdy. Olarǵa talap etilgen 114 mıllıardtyń ornyna 50 mıllıard dollar berýge úkim shyǵardy, dep jazady úrdis barysymen tanys derekkózderge silteme jasaı otyryp, dúısenbi kúni «Kommersant» gazeti.
2003 jyly Reseı bıligi sol kezde eldegi iri munaı kompanııasyn ekonomıkalyq qylmys jasady dep aıyptaǵan. Kompanııanyń birqatar basshylary bas bostandyqtarynan aıyryldy, negizinen alaıaqtyq pen salyq tóleýden jaltardy degen aıyp taǵylǵan. Sonyń saldarynan ıÝKOS bankrotqa ushyrady, onyń aktıvteri memlekettik "Rosneftge" ketti. Kontsern aktsıonerleri Gaagadaǵy tórelik sotqa júgindi, olar 114 mlrd. dollar ótemaqy talap etti. Sot óz sheshimin 28 shildede jarııalaıdy dep kútilýde.
Derekkózderdiń basylymǵa aıtqanyndaı, 18 shildede sot bir aýyzdan Group Menatep Limited talap-aryzyn qanaǵattandyrýdy sheshti. Reseı Energetıkalyq hartııany buzdy jáne ıÝKOS-ty aktıvterinen aıyrdy dep qaýly etti.
Bul rette sot ıÝKOS-tyń Mordovııadaǵy «jalǵan» qurylymdar arqyly salyq tóleýden jaltarýǵa tyrysqanymen kelisti. Kompanııa aktsıonerlerine 50 mıllıard dollar ótemaqy tólep, 65 mıllıon sot shyǵysynyń ornyn toltyrý úkimi shyǵaryldy, dep jazady gazet.
Energetıkalyq hartııa shartynyń erejesine silteme jasaı otyryp GML talap-aryz berdi. Shart saýda-sattyqty, ınvestıtsııalardy qorǵaýdy, tranzıt qaǵıdasyn, sondaı-aq kóp jaqty negizde daýlardy sheshýdiń mindetti rásimderin sheshýdi qamtıdy.
Ári, bul qujatqa qol qoıǵan Reseı ony ratıfıkatsııalamaıtynyn habarlady, olar aldymen olarǵa baılanysty birqatar máselelerdi retteý qajet dep sanaıdy. Qujatty «ýaqytsha negizde» qoldanýda - sebebi ol Reseı zańdaryna qaıshy kelmeıdi.
«Kommersant» derekkózderi 2009 jyly sot Reseı energohartııany qabyldaýǵa mindetti degen sheshim qabyldaǵan edi.
Sot sheshimine sáıkes Reseı 2015 jyldyń 15 qańtaryna deıin ótemaqyny tóleýi múmkin, sodan keıin paıyzdardy aýdarýdy bastaıdy, dep jazady gazet. Sheshimge Nıderlandy sottaryna shaǵymdanýǵa bolady.
