ıÝ. Valıahmetova «KazakhTV» («Caspionet») arnasynyń dırektory bolyp taǵaıyndaldy
ASTANA. 5 shilde. QazAqparat - «Habar» arnasyndaǵy aqparattyq-saraptamalyq baǵdarlamalar Dırektsııasynyń shef-redaktory, «Jeti kún» aqparattyq baǵdarlamasynyń avtory jáne júrgizýshisi ıÝlııa Valıahmetova (Sınchýk) «KazakhTV» arnasynyń dırektory
bolyp taǵaıyndaldy. Kúzde Qazaqstan Respýblıkasynyń «Caspionet» birinshi ulttyq spýtnıktik arnasy jańa televızııalyq maýsymda «KazakhTV» degen jańa ataýmen shyǵady. Osyǵan baılanysty telearnanyń rebrendıngisi jasalyp, soǵan sáıkes pishini men taratylýynda birqatar ózgerister kútilýde.
ıÝlııa Valıahmetova Qostanaı oblysynda dúnıege kelgen. Eki joǵarǵy bilimi bar. Máskeýdegi jýrnalıstıka jáne ádebı shyǵarmashylyq ınstıtýty men Qostanaı memlekettik ýnıversıtetin «Mýzyka jáne án aıtý» mamandyǵy boıynsha támamdaǵan. ıÝlııa qyzmettik jolyn 2000 jyly Qostanaıdaǵy «Alaý» telearnasynda jýrnalıst retinde bastady.
«Habar Agenttigi» AQ-ǵy eńbek jolyn 2007 jyly aqparattyq baǵdarlamalar Dırektsııasynyń tilshisi qyzmetinen bastady. 2010 jyly «Habar» arnasyndaǵy aqparattyq baǵdarlamalar Dırektsııasynyń shef-redaktory qyzmetine taǵaıyndaldy, «Jeti kún» baǵdarlamasynyń avtory jáne júrgizýshisi bolyp tabylady.
«KazakhTV» ulttyq spýtnıktik arnasy «Habar Agenttigi» AQ-nyń qurylymyna kiredi. Telearnany Amerıka, Eýropa, Ortalyq Azııa, Kavkaz elderi, Taıaý Shyǵys jáne Afrıkanyń soltústik bóligindegi memleketter, barlyǵy 93 el qaraıdy. Telearna 2002 jyldyń 25 qazanynda iske qosyldy, táýlik boıy qazaq, orys jáne aǵylshyn tilderinde habar taratady.
Esterińizge sala keteıik, buǵan deıin telearna dırektorynyń qyzmetin atqarǵan Aıgúl Jumabaeva 2012 jyldyń 13 maýsymynda «Habar Agenttigi» AQ Basqarma tóraǵasynyń orynbasary qyzmetine taǵaıyndaldy.
