Ystyqkóldegi sý deńgeıiniń kóterilýi baıqalýda
BІShKEK. QazAqparat - Qyrǵyz Respýblıkasynyń Ulttyq ǵylym akademııasynyń sý máseleleri men gıdroenergetıka ınstıtýtynyń dırektory Dýıshon Mamatkanovtyń baǵalaýynsha, sońǵy jyldary Ystyqkóldegi sý deńgeıi 1 metrge kóterilgen.
«Sońǵy jyldary Ystyqkóldegi sý deńgeıi 1 metrge kóterildi. Bul kól mańyndaǵy eginshilikke arnalǵan jerlerdiń kóbi paıdalanylmaǵandyqtan bolyp otyr. ıAǵnı, ony sýarýǵa kólden sý alynbaıdy», - dedi ǵalym.
Kúnniń jylyp, muzdyqtardyń erýi ekinshi sebep ekeni atalyp ótildi. Osy eki sebepke baılanysty Ystyqkólge quıatyn ózender kólge sý quıyp, ony toltyryp jatyr. D.Mamatkanov kóldegi sýdyń kóbeıýi ýaqytsha qubylys dep otyr. Onyń paıymynsha, 10-12 jyldan keıin sý deńgeıi tómendeı bastaıdy. Ystyqkólge 80-ge jýyq bulaq pen ózen quıatyny belgili.
