Ystyqkóldegi festıval kezinde búrkit qyzǵa shabýyl jasady
BІShKEK. QazAqparat - Ystyqkól oblysyndaǵy Ton aýylynda ótip jatqan «Teskeı Jeek» festıvali kezinde 10 jasar qyzǵa búrkit shabýyl jasady, dep habarlaıdy «Kabar» agenttigi.
Málim bolǵandaı, ol 15 shilde kúni Aýmaqtyq aýrýhanaǵa túsken.
«Kezekshi dárigerler qyzdyń búrkittiń tyrnaǵy jaralaǵan basy men keýdesine hırýrgııalyq óńdeý jasady. Jaǵdaıy táýir»,- dep habarlady aýrýhanadan.
Ystyqkól oblystyq ІІB baspasóz qyzmetiniń habarlaýynsha, oqys oqıǵa dástúrli «Salbýýrýn» ań aýlaý sharasy kezinde bolǵan. Jalǵyz aıaq joldy qyz kesip ótken shaqta búrkit shúılikken.
Eske sala ketsek, festıval baǵdarlamasyna kóshpendilerdiń at sporty túrleri, teńge ilý jáne qyz qýý, «Salbýýrýn», sadaqshylar saıysy jáne «»Kók-Borý» qomandalarynyń básekesi engen. Sondaı-aq, qolónershilerdiń kórmesi men kıizden buıym daıyndaý, kádesyılar jasaýdan sheberlik synyptary ótkizildi.
