Ystyqkólde týrıster mingen teplohodtan órt shyqty
BІShKEK. QazAqparat – Órt Ystyqkól oblysy Komsomol aýdanynda jaǵalaýdan 1 km qashyqtyqta júrgen «Albatros» atty týrısterge arnalǵan teplohodtan shyqqan, dep habarlaıdy QazAqparat Qyrǵyzstannyń Tótenshe jaǵdaılar mınıstrligine silteme jasap.
Vedomstvonyń habarlaýynsha, teplohod ekıpajy órt sóndirýshiler kelgenshe órtti ózderi sóndirip úlgergen. Balalardy qosa alǵanda 20 jolaýshyny evakýatsııalaý úshin jaqyn mańdaǵy pansıonattardyń skýterleri paıdalanyldy. Aldyn ala málimetter boıynsha zardap shekkender joq.
Qazirgi tańda oqıǵa ornynda jedel-tergeý toby jumys istep jatyr, órtti shyǵý sebebei anyqtalý ústinde.
