Ystyqkólde sýǵa ketken ekeýdiń biri almatylyq bolyp shyqty
ASTANA. QazAqparat - 6 shildede Ystyqkólge sýǵa ketken adamnyń aty-jóni belgili boldy, dep habarlaıdy turmush.kg .
6 shildede shamamen saǵat 13:30-da Ystyqkól jaǵajaıynda, «Bosterı» pansıonaty (burynǵy «Zolotye peskı») aýmaǵynda er adamnyń denesi tabyldy. Keıinirek onyń Qazaqstan azamaty, Almaty qalasynyń turǵyny 1947 jylǵy Qurama Talasbaev ekeni belgili boldy. Máıitti qaraý barysynda, ólimniń kúsh qoldanýdan bolmaǵany anyqtaldy. Keıinnen dene máıithanaǵa jetkizildi.
Sondaı-aq sol kúni keshke 5-ke qaraı kólge 2010 jylǵy J.Nursultan batyp ketti. Ol Naryn oblysynan kelgen. Balany ákesi sýdan alyp shyqqan, qutqarýshylar ony aýrýhanaǵa jetkizdi. Alaıda bala Cholpon ata qalalyq aýrýhanasynyń jansaqtaý bóliminde kóz jumdy.
