Ystyqkólde qyzdy qutqarǵanymen ózi mert bolǵan Pamır Isaevtyń múrdesi tabyldy
ASTANA. QazAqparat - Ystyqkólde osydan bir apta buryn sýǵa batyp bara jatqan qyzdy qutqarǵanymen ózi ajal qushqan Pamır Isaevtyń máıiti tabyldy.
Bul týraly KırTAG búgin QR TJM baspasóz qyzmetine silteme jasap habarlady.
«26 tamyzda saǵat 16:00-de Chok-Tal aýylynda jergilikti turǵyndar Ystyqkólge batyp ketken Pamır Isaevtyń múrdesin sýdan alyp shyqty», - dep málim etti mınıstrlikten.
Eske salsaq, Ystyqkól aýdany Grıgorevka aýylynda 17 tamyzda saǵat 17:00 shamasynda Bishkek turǵyny Pamır Isaev sýǵa batyp bara jatqan qyzdy qutqarǵan. Al ózi júzip shyǵa almaı, batyp ketken. Súńgýirler onyń múrdesin izdep taba almaǵan bolatyn.
