Ystyqkólde «Kók bóri – 2023» álem kýbogi ótip jatyr
ShOLPAN-ATA. QazAqparat – Sholpan atada, Ystyqkól jaǵasynda 13-nen 20 tamyzǵa deıin alǵashqy klýbaralyq «Kók bóri – 2023» álem kýbogi ótedi, dep habarlaıdy QazAqparattyń menshikti tilshisi.
Ystyqkól oblysy Ystyqkól aýdany Baktýý-Dolonotý aýylyndaǵy ıppodromda ótip jatqan halyqaralyq týrnırge Qazaqstan, Qyrǵyzstan, Ózbekstan, Majarstan, Túrkııa, Mońǵolııa, AQSh, Reseı eliniń qurama komandalary qatysyp jatyr. Qazaqstan namysyn «Astana», «Qaraǵandy», «Jetisý», «Shymkent», «Túrkistan», sonymen qatar QR sport ardagerleri klýbtary qorǵaıdy.
Sport sharasy úsh formatta ótedi. Oǵan segiz eldiń 12 klýby qatysady. Birinshisinde Qazaqstannyń joǵarǵy lıgasynyń komandalary – «Qaraǵandy», «Jetisý», «Shymkent» jáne «Túrkistan», Qyrǵyzstannan - «Sary-Ýzen», «Dostýk», «Yntymak», «Mýras» komandalary baq synaıdy.
Jarystyń ekinshi formaty álemniń túrli elinen kelgen 12 klýb arasynda ótedi. Úshinshi formatta Qazaqstannyń 45 jastan asqan sport ardagerleri men Qyrǵyzstannyń «Kók bórileri» arasynda joldastyq match ótedi.
Іs-shara uıymdastyrýshylarynyń málimeti boıynsha, bes kúngi match nátıjeleri mynadaı:
Birinshi kún:
- «Altaı» (Reseı) – «Ekaterınbýrg» (Reseı) - 5:0;
- «Jashtyk» (Qyrǵyzstan) – «Alıans-Altyn» (Qyrǵyzstan) – 3:2;
- «Yntymaq» (Qyrǵyzstan) – «Sary-Ózen» (Qyrǵyzstan) – 5:1.
Ekinshi kún:
- «Qaraǵandy» (Qazaqstan) – «Ekaterınbýrg» (Reseı) - 2:0;
- «Alıans-Altyn» (Qyrǵyzstan) – «Iıgılık» (Qyrǵyzstan) – 5:4;
- «Dostýk» (Qyrǵyzstan) – «Mýras» (Qyrǵyzstan) - 7:4;
- «Krasnoıarsk» (Reseı) – «Moskva» (Reseı) - 6:2;
- «Ýzbekıstan» (Ózbekstan) – «Altaı» (Reseı) - 8:1.
Úshinshi kún:
- «Altaı» (Reseı) – «Qaraǵandy» (Qazaqstan) – 3-1;
- «Jashtyk» (Qyrǵyzstan) – «Iıgılık» (Qyrǵyzstan) – 2:1; - «Astana» (Qazaqstan) – «Jetisý» (Qazaqstan) – 8:0;
- «Novosıbırsk» (Reseı) – «Moskva» (Reseı) – 7:4;
- «SShA» (AQSh) – «Altaı 2» (Reseı) – 10:8.
Tórtinshi kún:
- «Ýzbekıstan» (Ózbekstan) - «SShA» (AQSh) - 7:1.
Besinshi kún:
- «Jashtyk» (Qyrǵyzstan) – «Altaı» (Reseı) – 10:4;
- «Krasnoıarsk» (Reseı) – «Ýzbekıstan» (Ózbekstan) – 4:1.
Kók bóri (kókpar) – qazaq, qyrǵyz, altaı, bashqurt, ózbek jáne basqa da Azııa halyqtary arasynda tanymal at sporty oıyny. Oıynshylar at ústinde serkege talasady. Ony qarsylastaryna aldyryp qoımaı, qarsy komandanyń taıqazanyna tastaýy kerek. Bıyl jarysqa jańa ereje engizilip, oıyndaǵy tóreshi sany beske deıin kóbeıdi.
Bir taımnyń uzaqtyǵy 15 mınýtqa qysqardy (buryn 20 mınýt bolatyn). Serke taıqazanǵa túskennen keıin oıynshy at ústinde alańda bolýy kerek.
Uıymdastyrýshylardyń aıtýynsha, mundaı týrnırler Sholpan atada ár eki jyl saıyn ótkizilip turady. Jabylý saltanaty men jeńimpazdarǵa syılyq tabystaý erteń, 20 tamyzda ótedi.
