Ystyqkólde katamaranǵa mingen 17 týrıst kóldiń ortasyna qaraı yǵyp ketken
BІShKEK. Kabar-QazAqparat – Qyrǵyzstannyń Ystyqkól aýdanyndaǵy Tamchy aýylynda katamaranǵa mingen týrıster oqys oqıǵaǵa ushyrady, dep habarlaıdy Kabar Qyrǵyzstannyń TJM baspasóz qyzmetine silteme jasap.
Vedomstvonyń málimetinshe, bes katamaranǵa mingen 17 adam (esimderi anyqtalyp jatyr) jeldiń kúshimen jaǵalaýdan úsh shaqyrym qashyqtyqqa yǵyp ketken. Olar jaǵalaýǵa óz betinshe jete almaǵan soń kómekke júgingen.
Olarǵa kómek berý úshin bir qaıyqqa minip jergilikti turǵyndar jolǵa shyqqan. Alaıda olar da jete almaı, kólde qalyp qoıǵan.
Oqıǵa ornyna Ystyqkól tótenshe jaǵdaılar bóliminiń úsh qutqarýshysy, Tótenshe jaǵdaı mınıstrliginiń súńgýir qyzmetiniń úsh súńgýiri tartyldy.
Olardyń kómegimen 17 adam qutqarylyp, 5 katamaran men kólde qalyp qoıǵan qaıyq jaǵaǵa shyǵaryldy.
Qutqarylǵan azamattardyń jaǵdaıy birqalypty.
