Ystyqkólde qar jaýyp, júzdegen bas mal qyrylyp qaldy

ASTANA. QazAqparat - Ystyqkól oblysynyń Aqsýı aýdanynda qar jaýyp, 160-tan astam bas mal qyrylyp qaldy.

Onyń ishinde 150 qoı, 2 sıyr jáne 15 qodas bar, dep habarlaıdy 24.kg Qyrǵyzstan Tótenshe jaǵdaılar mınıstrliginiń baspasóz qyzmetine silteme jasap. Munda jaýǵan qardyń bıiktigi 50-60 santımetrge deıin jetken. Sondaı-aq Sary jaz jaıylymyna aparatyn jolda ózendegi sý deńgeıiniń kóterilýine baılanysty kópir buzylǵan. Oqıǵa ornynda azamattyq qorǵanys komıssııasy jumys jasaýda.