Ystyqkólde frantsýz týrısin uryp, tonap ketti
ASTANA. QazAqparat - Frantsııa týrısi Odrı Shastondy Ystyqkól oblysyndaǵy jaılaýda uryp, tonap ketti, dep habarlady knews.kg oblystyq ishki ister basqarmasyna silteme jasap.
Onyń málimetteri boıynsha, keshe Aqsý aýdandyq ІІB-yna aýmaqtyq aýrýhanadan dene jaraqatymen 36 jastaǵy Frantsııa azamaty túskeni týraly habar kelip túsken.
Mılıtsıonerler odan jaýap alǵanda sheteldik osy jylǵy 22 shildede jalǵyz ózi jergilikti turǵynmen tanysqan Altyn-Arashan jaılaýyna saıahattap, jaıaý shyqqan. Osy kúni shamamen saǵat 22.00.-23.00-de sol jigit oǵan kıiz úıge kirip, eshqandaı sebepsiz dene jaraqatyn salǵan jáne kúsh qoldanyp, 5 myń som aqshasyn jáne nesıelik kartochkasyn tartyp alǵan. Kelesi kúni tonaýshy kıiz úı qojaıynymen birge avtomashınamen zardap shekken adamdy Qarakólge jetkizip, belgisiz baǵytqa ketip qalǵan.
Jedel qyzmetkerler kıiz úı tigilgen Altyn-Arashan jaılaýyna baryp, onyń ıesi Aqsý aýdanynyń Teploklıýchenka aýylynyń turǵyny ekenin anyqtaǵan. Qylmys ornynan zattaı aıǵaqtar tabyldy. Kúdiktini ustaý sharalary júrgizilýde.
Frantsııa azamatyn tonaý boıynsha qylmystyq is qozǵaldy.
