Ystyqkólde bir top sportshyny sý tolqyn basyp, bir adam iz-tússiz joǵalyp ketti

BІShKEK. Kabar -QazAqparat – Ystyqkólde bir top júzýshilerdi tolqyn basyp qaldy, bir adam iz-tússiz joǵaldy. Bul týraly QazAqparat Kabar aqparat agenttigine silteme jasap habarlaıdy.

Qyrǵyzstan Respýblıkasynyń Tótenshe jaǵdaılar mınıstrliginiń aqparatyna sáıkes, 6 tamyz kúni saǵat 13:00 shamasynda 15 sýda júzýshi Toń aýdanyndaǵy Qara-Shaar aýylynan Ystyqkól aýdany Torý-Aıǵyr aýylyna qaraı júzýge shyqqan.
«Júzý kezinde sportshylardy úlken tolqyn basyp, saldarynan olardyń bireýi sýdan shyqpady», - delingen habarlamada.
Qazirgi kezde sportshyny izdeý jumystary júrgizilýde. Ol týraly málimet anyqtalyp jatyr. Qosymsha aqparat keıinirek beriledi.

Foto: kabar.kg