Ystyqkól túbinen 10,4 tonna qoqys shyǵaryldy
BІShKEK. KABAR-QazAqparat – Ystyqkól kóliniń túbinen 115 kún ishinde 10 tonna 405 kg qoqys shyǵaryldy, dep habarlaıdy QazAqparat «Kabar» aqparat agenttigine silteme jasap.
Tótenshe jaǵdaılar mınıstrliginiń málimetinshe, súńgýirler Prezıdent Sadyr Japarovtyń tapsyrmasy boıynsha kóldi tazartý jumystaryna kirisken.
Qazirgi ýaqytta kól túbin tazartý jumystary Qara Oı aýyly, Sholpan ata qalasynda júrgizilip jatyr. Birneshe pansıonat tusyndaǵy kóldiń túbi, saýyqtyrý ortalyǵy men shyǵanaq qoqystan tazartyldy.
17 shildege qaraı kóldiń túbinen 97 myń 600 metr balyq aýlaý tory men 10 tonna 405 kg qoqys shyǵaryldy. Barlyǵy 215 myń ga aýmaq tazartylǵan.
