Ystyqkól túbinde Uly Jibek jolynyń Atlantıdasy tabyldy
ASTANA. QazAqparat - Ystyqkól túbinde qyrǵyz arheologtary men Tomsk akvalangısteri Uly Jibek jolynyń Atlantıdasyn tapty. Bul týraly aqparatty Tomsk memlekettik ýnıversıtetiniń akvalangısteri Youtube-degi óz paraqshasynda jarııalady, dep habarlady KırTAG.
Arheologııalyq jumystar Ystyqkóldiń ońtústik bóliginde júrgizildi. Zattardyń kóbi jaǵalaýdan shamamen eki shaqyrym jerden tabyldy. Artefakttarǵa 2,5 myńnan astam jyl.
«Aldyn ala qala Ystyqkól jaǵalaýynda bolǵan Uly Jibek jolynda qalandy dep aıtýǵa bolady. Keıin ýaqyt óte kóldegi sý deńgeıi kóterilip, jer astyna ketken», - deıdi Tomsk draıverler tobynyń jetekshisi Dmıtrıı Gorn.
Akademık Vladımır Ploskıhtiń paıymynsha, arheologııalyq qazbalardyń arqasynda «Kóne zamanda Ystyqkólde turǵan halyqty kóshpeli mádenıettiń emes, kóne órkenıettiń ókilderi» boldy degen toqtamǵa kelýge bolady.
«Qazba jumystary kezinde egin sharýashylyǵyna qajetti jabdyqtar, balqytpa peshteri tabyldy. Osyǵan qaraǵanda, munda mys óndirip, qoladan zattar jasaǵan. Ózge de kóptegen artefakttar Ystyqkólde kóne órkenıet bolǵanyn dáleldeıdi», - dep sanaıdy V. Ploskıh.
