Ystyqkól álemniń 12 romantıkalyq kóliniń arasynda 5-oryndy enshiledi
ASTANA. 3 tamyz. QazAqparat - Qyrǵyzdyń Ystyqkóli ýkraınalyq ınternet portaldarda ótken saýalnama qorytyndysy boıynsha 12 úzdik romantıkalyq kólderdiń qataryna engen.
Ol kólge naǵyz romantıkter ǵana barady degen baǵa berilgen.
Ystyqkól álemniń 12 romantıkalyq kóliniń arasynda 5-orynǵa jaıǵasypty. Oǵan berilgen sıpattamada «Ystyqkól - Ortalyq Azııanyń naǵyz injý-marjany» dep atap kórsetilgen. Kólemi sheksiz jartylaı aşy kól - álemdegi eń iri taý kólderiniń biri. Ony jan-jaǵynan qorshaǵan taýlar soltústikten soqqan sýyq jelder men saharanyń ystyq deminen qorǵap turǵandaı. Bul jerde eshqashan aptap ystyq nemese qaqaǵan aıaz bolmaıdy.
Ystyqkól Ortalyq Azııadaǵy eń iri kýrorttyq shıpajaılardyń biri. Ol týrıster úshin jaıly ári jumsaq klımatymen ári keremet sulýlyǵymen tartymdy. Taýly-teńizdi klımat, taza aýa, kúnniń jumsaq shapaǵaty men emdik qasıeti mol mıneraldy sýlary, ystyq bulaqtary munda kelgenderdiń janyna daýa, dertine shıpa syılaıdy.
Atalǵan reıtıngte birinshi orynda Reseıdiń Baıkal kóli tur. Ekinshi orynǵa Italııanyń Komo kóli jaıǵasypty. Al úshinshi oryn AQSh-taǵy Taho kóline buıyrǵan. Odan ári kezekte Germanııanyń Tegernazesi, Qyrǵyzstannyń Ystyqkóli, Avstrııanyń Volfganzesi, Vengrııanyń Balatony, Shveıtsarııa men Frantsııanyń shekarasyndaǵy Jeneva kóli, Shotlandııadaǵy Loh-Ness, úzdik ondyqtyń sońynda taǵy bir ıtalııalyq kól Garda tur. On birinshi jáne on ekinshi oryndarda shveıtsarııalyq Lýgana men Fınlıandııanyń Pıaııanne kólderi ornalasqan, dep jazady Baq.kz.
