Ystyq tamaq 6 myńnan astam mektepte qamtamasyz etiledi - QR BǴM
ASTANA. QazAqparat - Búgin Ortalyq kommýnıkatsııalar qyzmetindegi baspasóz qyzmetinde Bilim jáne ǵylym vıtse-mınıstri Elmıra Sýhanberdıeva oqýshylardy ystyq tamaqpen qamtamasyz etý jaıynda aıtyp berdi.
«Bizde mektepte oqıtyn jetim balalar, ata-anasynyń qamqorlyǵynsyz qalǵan, az qamtylǵan otbasylardan shyqqan oqýshylar júz paıyz qamtylǵan. Atap aıtqanda, bul balalardy tamaqtandyrý tolyqtaı iske asyrylady»,-dep toqtaldy E. Sýhanberdıeva.
Sonymen qatar ol mektepterde tegin tamaqtandyrý bastaýysh synyptarǵa uıymdastyrylyp otyrǵanyn eske salyp ótti.
«Keıbir óńirlerde jergilikti atqarý organdary ózderiniń bıýdjetimen balalardy tegin tamaqtandyryp otyr»,-dedi vıtse-mınıstr.
QR BǴM málimetine qaraǵanda, ystyq tamaqpen 6063 mektepte 2 397 680 oqýshy qamtamasyz etilip otyr. 264 546 oqýshy tegin tamaqtandyrylmaq. Sonymen qatar 2 048 901 oqýshy ystyq tamaqpen ata-ana qarajatymen qamtylady.
