Ystyq kúnde kólikte qalǵan eki jasar sábı mert boldy
ASTANA. QazAqparat - Avstrııada ystyq kúnde kólik ishinde qalǵan 2 jasar bala mert boldy. Jergilikti polıtsııa sábıdiń 17 jastaǵy anasyna qatysty tergeý isin bastady, dep habarlaıdy APA.
Oqıǵa 15 tamyzda, Avstrııa batysyndaǵy Blýdený qalasynda bolǵan. Áıel polıtsııaǵa osynda dosymen birge Tırolden kelgenin aıtqan.
Jolda bala uıyqtap qalǵan. Tıisti jerge jetkennen keıin uıqyda jatqan balasyn anasy oıatqysy kelmegen. Ózderi de uzaq joldan sharshap kelip, úılerine kirip, uıyqtap qalǵan. Al bala kólikte qalǵan. Birneshe saǵattan keıin kólikke kelgen anasy balasynyń óli denesin kóredi.
Polıtsııa ony ystyqtyń saldarynan qaıtys bolǵan dep boljaýda. Alaıda naqty sebebi taldaý qorytyndysynan keıin belgili bolady.
Eger bala ystyqtan mert bolǵan bolsa, anasyna qatysty qylmystyq is qozǵalmaq.
