Ystyq qum - býyn aýrýyna taptyrmas em
ASTANA. QazAqparat - Lıvııa shekarasyna jaqyn ornalasqan jazıraly Sıva ólkesiniń turǵyndary ystyq qum býyn aýrýyna taptyrmas em deıdi.
Túrli býyn aýrýymen aýyratyn mysyrlyqtar úshin Kaırdiń batys bóliginde ornalasqan Sıva ólkesi emdik orynǵa aınalǵan. Qummen em jasaý jergilikti turǵyndar úshin tabys kózi bolyp otyr. Munda kelgen emdelýshiler 15 mınýt boıy ystyq qumǵa kómilip, odan shyqqan soń qymtalyp jabylǵan shatyr astyna kiredi. Aıtýlarynsha, bul tabıǵı saýna ispetti. Keıin olarǵa Shyǵys elinde keńinen qoldanylatyn Helba atty emdik shaı beriledi. - Aldymen em alýshynyń dene pishimine saı etip, qumdy qazyp, oǵan adamdy jatqyzamyz. Tek basyn ashyq qaldyryp, denesiniń qalǵan bóligin qummen kómemiz. Ystyq qum denedegi barlyq kletkalardy ashady. Qyzýy kóterilip, adam terleıdi. Termen birge tuz jáne toksındermen qosa maı da shyǵyp ketedi,-deıdi emshi Helıal Ibrahım. Em alýshylardyń biri Ál Saıed Hasannyń aıtýynsha, em izdep barmaǵan jeri, baspaǵan taýy qalmaǵan. Túrli emdik dárilerdi qabyldaǵanymen, aýrýynyń daýasyn osy jerden tapqan.
Bul ólkede adamdardy emdeý osydan 150 jyl buryn júrgizile bastaǵan. Qazirde tek býyn ǵana emes, baýyr derti, sol sııaqty basqa da aýrý túrlerin emdeýge bolady. Mundaǵy emshilik kásip urpaqtan-urpaqqa jalǵasyp keledi, dep habarlaıdy 24.kz.
