Ystyq kól jaǵalaýynda Júsip Balasaǵunnyń 1000 jyldyǵyna arnalǵan konferentsııa ótip jatyr
ASTANA. QazAqparat - Ystyq kól jaǵalaýynda Qyrǵyz Respýblıkasynyń prezıdenti apparaty janyndaǵy «Mýras» qorynyń uıymdastyrýymen «Qyrǵyz jáne Qarahan qaǵanattary: Júsip Balasaǵunnyń «Qutty biligi» ─ H-HІ ǵǵ. Ortalyq Azııadaǵy musylman renessansynyń aınasy» atty V halyqaralyq ǵylymı-tájirıbelik konferentsııa ótip jatyr.
Qyrǵyz Respýblıkasynyń Prezıdenti Almazbek Atambaevtyń qoldaýymen uıymdastyrylǵan bul halyqaralyq jıyn túrki jurtynyń oıshyl danyshpany Júsip Balasaǵunnyń 1000 jyldyq mereıtoıyna arnalyp otyr, dep jazady «Egemen Qazaqstan».
3 kúnge sozylatyn jıynda birneshe memleketten jınalǵan kórnekti ǵalymdar men túrkitanýshylar 4 ǵylymı sektsııa boıynsha baıandamalar oqyp, keleli pikirlerin ortaǵa salady.
Aıta ketý kerek, TWESCO da Júsip Balasaǵunnyń 1000 jyldyq mereıtoıyna tartý retinde uly oıshyldyń «Qutadǵý bilik» dastanyn jarııalap, birqatar halyqaralyq is-sharalar ótkizdi. Osylaısha Akademııa túrki dúnıesine ortaq tarıhı tulǵalardyń rýhanı muralaryn túgendep, mereıtoılaryn atap ótýdi jaqsy dástúrge aınaldyryp keledi.
