Ystanbuldan ushyp kelgen qazaqstandyqtan koronavırýs anyqtaldy

NUR-SULTAN. QazAqparat - 14 naýryzda Qazaqstan Respýblıkasynyń aýmaǵyna Germanııa, Maldıv, Shrı-Lanka, BAÁ, Mysyr, Túrkııa, Ýkraına, Reseı, Tájikstan, Ózbekstan jáne Qyrǵyzstannan 32 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń málimetinshe, bir táýlikte elimizge 4 646 jolaýshy ushyp keldi. Olardyń 3 853-inde koronavırýsqa PTR-testileýdiń teris nátıjesi bar anyqtama bolǵan. Qalǵan 793-i anyqtamasyz kelgen, barlyǵy da – QR azamattary.

Atap aıtqanda:

- Almaty qalasynyń áýejaıyna – 19 reıs, 2 783 jolaýshy, anyqtamamen - 2 365, anyqtamasyz - 418;

- Nur-Sultan qalasynyń áýejaıyna – 9 reıs, 1 295 jolaýshy, anyqtamamen - 920; anyqtamasyz - 375;

- Shymkent qalasynyń áýejaıyna – 2 reıs, barlyq 274 jolaýshy anyqtamamen kelgen;

- Aqtaý qalasynyń áýejaıyna – 1 reıs, barlyq 146 jolaýshy anyqtamamen kelgen;

- Atyraý qalasynyń áýejaıyna – 1 reıs, barlyq 148 jolaýshy anyqtamamen kelgen.

«Anyqtamasy bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde», - delingen aqparatta.

Sondaı-aq 13 naýryzda shetelden anyqtamasyz kelgen Qazaqstannyń 401 azamatynyń PTR-taldaý nátıjesi daıyn bolǵan. Test qorytyndysyna sáıkes, «Ystanbul-Almaty» reısimen kelgen 1 jolaýshydan koronavırýs ınfektsııasy anyqtaldy.