Ystanbuldan Qazanǵa baǵyt alǵan ushaqqa jaı tústi
ASTANA. QazAqparat - Ystanbuldan Qazanǵa baǵyt alǵan «Túrik avıalınııasy» ushaǵyna jaı tústi. Bul týraly Haberturk telearnasy habarlady.
Onyń deregiń boıynsha, bortynda 101 jolaýshysy bar Boeing 737-800 Atatúrik halyqaralyq áýejaıynan ushyp shyqqan. Ushaq aspanǵa kóterilgen sátte oǵan jaı túsken. Keme kapıtany áýe aılaǵyna qaıta oralý týraly sheshim qabyldady. Alaıda, Ystanbulǵa qonbastan buryn artyq janarmaıdy tógý úshin aspanda birneshe sheńber jasaýyna týra kelgen.
Jolaýshylardyń eshqaısysy zardap shekken joq. Olar Qazanǵa áýe kompanııasynyń basqa reısimen attandy.
