Ystanbuldan Almatyǵa bet alǵan júk tasıtyn ushaq qustarmen soqtyǵysyp qaldy

YSTANBUL—NUR-SULTAN. QazAqparat – Jeksenbi kúni Ystanbuldan Almatyǵa baǵyt alǵan Turkish Airlines (THY) áýe kompanııasynyń júk tasıtyn ushaǵy apatty jaǵdaıda qaıta qondy. Júk tasıtyn ushaq Atatúrik áýejaıynan ushqan kezde qustarmen soqtyǵysyp qalǵan. Bul týraly QazAqparat Anadolý agenttigine silteme jasap habarlaıdy.

Júk tasıtyn ushaq Atatúrik áýejaıynan jergilikti ýaqyt boıynsha (0540GMT) tańǵy saǵat 08:40-ta ushqan. Turkish Airlines baspasóz qyzmeti áýege kóterilgen B777-F ushaǵy qustarmen soqtyǵysyp qalǵan. Qustar júk tasıtyn ushaqtyń planerin zaqymdaǵan.

Atalǵan ushaq shuǵyl túrde jerge qoný úshin salmaǵyn azaıtý kerek bolǵan, sol sebepti janarmaıdy Mármár teńiziniń ústine tógip jiberip, odan keıin Atatúrik áýejaıyna qaıta qonǵan.