Ystanbuldaǵy qazaqtar jer silkinisinen zardap shekkenderge 160 myń dollar kómek jınady

YSTANBUL. QazAqparat – Ystanbuldaǵy qazaqtar jer silkinisinen zardap shekkenderge 160 myń AQSh dollaryn quraıtyn kómek jınady, dep habarlaıdy QazAqparat SІM silteme jasap.

«Ystanbuldaǵy qazaqtar jer silkinisinen zardap shekkenderge kómek joldap jatyr Qazaqstannyń Ystanbuldaǵy Bas konsýldyǵy, elimizdiń belsendi azamattary, stýdentter jáne jergilikti qazaq dıasporasy Túrkııanyń alapat zilzala saldarynan zardap shekken aımaqtaryna gýmanıtarlyq kómek joldaý boıynsha belsendi jumys isteýde. Osy ýaqytqa deıin somasy shamamen 160 myń AQSh dollaryn quraıtyn kómek jınalyp, jóneltildi. Atap aıtqanda, balalar taǵamdary, balalar kıimderi, jórgekter, azyq-túlik, jyly kıimder, kórpeler jáne t.b. qajetti ónimder joldanýda. Gýmanıtarlyq kómek túrik bılik organdarynyń kelisimimen jasalýda», - delingen habarlamada.

Bas konsýl Álim Baıel búkil Qazaqstan jumylyp baýyrlas Túrkııaǵa qoldaý kórsetip jatqan sátte bul kómekke óz úlesin qosyp jatqan Ystanbuldaǵy qazaqtarǵa alǵys aıtty.

Eske salsaq, qazaqstandyqtar Túrkııa halqyna kómek retinde 100-ge jýyq kıiz úı jiberedi.

Qazaqstan Úkimeti Túrkııaǵa gýmanıtarlyq kómek retinde $1 mln bóldi. Sondaı-aq

Kaspi.kz qosymshasy arqyly Túrkııada zardap shekkenderge qarajat aýdarýǵa bolady.

Foto: t.me/pressmfakz