Ystanbuldaǵy daýyl, jarylys: Birneshe adam jaraqattandy, ekeýi aýyr halde
ASTANA. QazAqparat - Ystanbulda beısenbi, 27 shildede alapat daýyl soǵyp, onnan astam adam dárigerlik kómekke júgingen. Eki adamnyń jaǵdaıy asa aýyr, dárigerler olardyń ómiri úshin kúresip jatyr.
Tabıǵı apattyń saldarynan Bosfor shyǵanaǵyndaǵy «Marmaraı» temirjol týnneli jáne onyń dýbleri «Eýrazııa» avtomobıl joly jabyldy. Sondaı-aq, Ystanbulǵa baǵyt alǵan áýe reısteriniń birqatary basqa áýejaılarǵa jiberildi, dep habarlaıdy túrik BAQ-tary.
Tóqtaýsyz jaýǵan nóserden metropolıtenniń birneshe stantsııasyn sý basyp qaldy.
Kúshti jelden Haıdarpasha portynda kran qulap, saldarynan jarylys boldy. Abyroı bolǵanda, órt sóndirýshiler tilsiz jaýdy jedel sóndirip úlgerdi.
Sońy burshaqqa ulasqan alapat nóser Ystanbulǵa osydan on kún buryn soqqan surapyl daýyldan keıin osylaısha qaıta oraldy.
