Ystanbuldaǵy bas konsýldyq qazaqstandyqtardy esepke alyp jatyr

ASTANA. QazAqparat - Qazaqstannyń Ystanbuldaǵy konsýldyǵy Túrkııada turyp jatqan qazaqstandyqtardy tirkelýge shaqyrdy, dep habarlaıdy QazAqparat.

«Qurmetti Qazaqstan azamattary! QR Ystanbul qalasyndaǵy bas konsýldyǵy ózine qarasty konsýldyq okrýgtiń aýmaǵynda (Aıdyn, Balykesir, Bartyn, Býrsa, Dúzje, Zongýldak, Edirne, Izmır, Kyrklareli, Qojaeli, Kastamoný, Manısa, Sakarııa, Sınot, Tekırdaǵ, Ystanbul, Chanakkale, ıAlova) turaqty jáne ýaqytsha turatyn Qazaqstan azamattarynyń esebin júrgizip jatyr. Qazaqstandyqtardyń eseptik derekteri tek qana olardyń quqyqtary men zańdy múddesin, sondaı-aq qaýipsizdigin qamtamasyz etý maqsatynda paıdalanylatynyna nazar aýdaramyz» delingen habarlandyrýda.

Atalǵan elde qandaı da bir tótenshe jaǵdaı týyndaıtyn bolsa, qazaqstandyqtardyń mekenjaıy týraly málimetter olarmen shuǵyl baılanys ornatýǵa jáne odan ári is-qımyl máselesin sheshýge múmkindik beredi.

Osyǵan baılanysty atalǵan konsýldyq esepke tirkelý maqsatynda myna saýalnamany toltyrýdy ótinip suraıdy.