Ystanbulda jarylys jasady degen kúdikti ustaldy

YSTANBUL. Anadoly - QazAqparat – Keshe Ystanbul kóshesinde jarylys jasady degen kúdikti ustaldy. Bul týraly Túrkııanyń ishki ister mınıstri Sýleıman Soılý aıtty, dep habarlaıdy Anadoly agenttigi.

Sýleıman Soılý kúdiktini qalanyń Polıtsııa basqarmasynyń qyzmetkerleri ustaǵanyn málim etti.

Sondaı-aq Soılý bılikte Túrkııada terrorıstik uıym retinde tanylǵan Kúrdistan jumysshy partııasynyń ókilderiniń shabýylǵa qatysqany týraly dálelder bar ekenin de jetkizdi.

Eske salsaq, keshe Ystanbuldyń Beıoglý aýdanyndaǵy Istıklıal jaıaý júrginshiler kóshesinde jarylys boldy. Jarylystan 4 adam qaza taýyp, 38 adam jaralanǵany aldyn ala habarlandy.

QR Ystanbuldaǵy Bas konsýldyǵy Túrkııadaǵy qazaqstandyqtarǵa, ásirese adamdar kóp jınalatyn jerlerde barynsha saq bolýǵa keńes beredi.

Qazaqstannyń sheteldik ókildigi túrik bıligimen baılanysta. Zardap shekken Qazaqstan azamattary týraly aqparat joq.

Ystanbuldaǵy QR Bas konsýldyǵynyń baılanys telefony [phone].