Ystanbulda Túrkııada turatyn otandastardyń qatysýymen bıznes-forým ótti
NUR-SULTAN. QazAqparat – Bıylǵy jyldyń 31 shildesinde «Otandastar qory» kommertsııalyq emes aktsıonerlik qoǵamy Túrkııadaǵy QR elshiligimen birlesip, bıznes-forým uıymdastyrdy, dep habarlaıdy QazAqparat.
Atalmysh shara «Atameken» UKP syrtqy saýda palatasynyń Túrkııa Respýblıkasynda 31 shildeden 1 tamyzǵa deıin ótkizetin saýda-ekonomıkalyq mıssııanyń bir bóligi boldy.
Іs-sharanyń negizgi maqsaty – Túrkııanyń qazaq dıasporasy ókilderimen iskerlik qarym-qatynas ornatý.
Bıznes-forým shetelde turatyn otandastarmen baılanys ornatý jáne nyǵaıtý jónindegi Qordyń baǵdarlamasynyń bir bóligi bolyp tabylady.
Bıznes-forým barysynda qatysýshylar ózara is-qımyl tetikterin, ShOB jáne iri bıznes salasyndaǵy bıznes-bastamalardy yntalandyrý, sondaı-aq startaptardy qoldaý jáne damytý tetikterin egjeı-tegjeıli talqylady.
Sondaı-aq jıynda toqyma ónerkásibiniń, aýyl sharýashylyǵynyń, qyzmet kórsetý salasynyń damýyna, tehnologııalyq óndiristerdi qurýǵa negizdelgen túrik naryǵynyń beıinin eskere otyryp, osy salalarǵa basa nazar aýdaryldy. Forým qatysýshylaryna Qazaqstan oblystarynyń ınvestıtsııalyq áleýeti tanystyryldy.
Forým jumysyna 150-den astam adam qatysty. Qatysýshylar ózderin qyzyqtyratyn startaptar, bıznes-bastamalar, qolda bar jobalar týraly aıtyp, spıkerlerge suraqtar qoıyp, bıznes josparlar men bastamalardy Qazaqstanda, sondaı-aq halyqaralyq naryqta damytý múmkindikterin talqylandy.
Forým sońynda Qordyń birinshi vıtse-prezıdenti Talǵat Adýov Túrkııada turatyn otandastardy Qordyń qazaq úıiniń iskerlik úıi men mádenı ortalyǵy ókilderin anyqtaýyna belsendi qatysýǵa shaqyrdy. Sondaı-aq kezdesýge qatysýshylardy aǵymdaǵy jyldyń qarasha aıynda Túrkistan qalasynda ótetin otandastardyń birinshi forýmyna shaqyrdy. Budan basqa, Qor usynystarǵa ashyq jáne turatyn jerine qaramastan barlyq otandastarmen «baılanysta» turǵanyn, ol úshin barlyq ózekti máseleler boıynsha keńes beretin jáne aqparattyq qoldaý kórsetetin otandastar máseleleri jónindegi biryńǵaı baılanys ortalyǵy arnaıy qurylǵanyn atap ótti.
Túrkııadaǵy bıznes-forým maýsym aıynda Mıýnhen qalasynda ótken forýmnan keıingi ekinshi bıznes-forým bolyp tabylady. Kelesi Bıznes-forým 2019 jyly 27 tamyzda San-Frantsısko qalasynda (AQSh) ótedi.
