Ystanbulda Túrkııa men Reseı kemeleri soqtyǵysty

YSTANBUL. ANADOLY - QazAqparat – Ystanbulda Túrkııa men Reseı kemeleri soqtyǵysty, dep habarlaıdy QazAqparat Anadoly agenttigine silteme jasap.

Senbi kúni Túrkııanyń Jaǵalaý polıtsııasy basqarmasy málim etkendeı, Ystanbuldyń Ienıkeı aýdanynyń jaǵalaýynda Túrkııa jáne Reseı týlaryn taqqan júk kemeleri soqtyǵysty. Qazir eki keme de Bıýıýkdere aýdanynyń jaǵalaýyna shynjyrlanyp baılandy.

Aqparatqa sáıkes, Túrkııanyń «Tahsin İmamoğlu» 90 metrlik júk kemesi Kodjaelı provıntsııasynan Qara teńiz jaǵalaýyndaǵy Karadenız Ereglı ónerkásiptik portyna bara jatqan.

Al reseılik «Rusich 10» (128 metr) kemesi Býrsa provıntsııasynyń Gemlık aýdanynan Reseıge baǵyt alǵan.

Oqıǵa ornyna KIYEM-5, KEGM-3, KURTARMA-11 katerleri jáne 14 býksırlik keme attandyryldy.