Ystanbulda Túrkııa-Qazaqstan Іsker áıelder bıznes forýmy ótti

Forýmǵa «Atameken» Qazaqstan Respýblıkasy Ulttyq kásipkerler palatasy Іsker áıelder keńesiniń Astana qalasy boıynsha Óńirlik keńesiniń tóraıymy Baǵıla Bısembaeva bastaǵan delegatsııa qatysty. Forýmǵa Túrik tarapynan Túrkııa Palatalar jáne bırjalar odaǵy Іsker áıelder keńesi tóraıymynyń orynbasary Rýhsar Pekdjan bastaǵan otyzdan astam óńirlik keńesterdiń basshylyǵy qatysty.

Forýmnyń negizgi maqsaty - «Atameken» Qazaqstan Respýblıkasy Ulttyq kásipkerler palatasy Іsker áıelder keńesi men Túrkııa Palatalar jáne bırjalar odaǵy Іsker áıelder keńesi arasyndaǵy yntymaqtastyqty damytý - dep habarlady Túrkııadaǵy elshilikten.

Túrkııa-Qazaqstan Іsker áıelder bıznes forýmynyń birinshi kúni eki memleket arasyndaǵy yntymaqtastyqty damytý jáne ekonomıkalyq qarym-qatynastardyń áleýeti týraly delegatsııa músheleri pikir almasty. Ortaq jobalardy talqylaý úshin jeke kezdesýler ótkizildi
.

Qazaqstan men Túrkııa ekonomıkasyn jandandyrýdaǵy jáne eki jaqty ekonomıkalyq qarym-qatynasty damytýdaǵy áıelderdiń róli men áıelder kásipkerliginiń áleýeti talqylandy. Sonymen qatar áıel kásipkerler ózderiniń jańa bastamalary, áıelder kásipkerliginiń múmkindikteri jáne keleshegi tilge tıek boldy.

Qazaqstan men Túrkııa áıel kásipkerleri ekonomıka sııaqty mańyzdy alańdarda belsendilik tanytyp, memlekettiń damýyna jáne eki jaqty qarym-qatynastardy kúsheıtýge óz úlesterin qosýǵa daıyn ekendikterin jetkizdi.

Baǵıla Bısembaeva sóılegen sózinde, qazaqstandyq jáne túrkııalyq áıel-kásipkerlerdiń arasyndaǵy syndarly suhbatty jolǵa qoıý, onyń ishinde ekonomıkalyq ári mádenı qarym-qatynas jasaýdyń mańyzdylyǵyna toqtalyp ótti.

Forýmnyń ekinshi kúni «Gebze» Saýda palatasynyń tóraǵasy Naıl Chıler qabyldady jáne Saýda palatasy múshelerimen kezdesý ótti. Sonymen qatar «Gebze» Uıymdastyrylǵan óndiristik aımaǵyn aralap, jumysymen tanysty. Osy aımaqta ornalasqan jáne ozyq tehnologııa engizgen birneshe zaýyt pen fabrıkalardyń óndiris protsesterimen tanysty.