Ystanbulda túrki memleketteriniń BAQ salasyndaǵy yntymaqtastyǵy talqylanady

YSTANBUL. QazAqparat - Búgin Ystanbulda Túrki memleketteri uıymyna múshe elderdiń aqparat jáne BAQ-qa jaýapty mınıstrleri men joǵary laýazymdy tulǵalarynyń tórtinshi otyrysy ótedi. Bul týraly QazAqparat «Anadolu» aqparat agenttigine silteme jasap habarlaıdy.

Sharany Túrkııa prezıdenti ákimshiliginiń baılanys bólimi uıymdastyryp otyr. Maqsat – túrki memleketteri arasynda BAQ jáne kommýnıkatsııa salasyndaǵy yntymaqtastyqty damytý. Kún tártibinde atalǵan salalardaǵy birlesken zertteýler men jobalar qaralmaq.

Túrkııa prezıdenti Rejep Taıyp Erdoǵan jıyn qatysýshylaryna beıneúndeý joldaıdy dep josparlanǵan.

Kezdesýge Túrki memleketteri uıymynyń Bas hatshysy Baǵdad Ámireev, Túrkııa prezıdenti ákimshiligi baılanys keńsesiniń meńgerýshisi Fahrettın Altýn, Ázerbaıjan prezıdentiniń kómekshisi Hıkmet Gadjıev qatysady.

Sonymen qatar, otyrysqa QR Aqparat jáne qoǵamdyq damý mınıstri Asqar Omarov, Vengrııa Syrtqy ister jáne saýda mınıstrliginiń qaýipsizdik saıasaty jónindegi memlekettik hatshysy Peter Shtaraı, Ózbekstan prezıdenti ákimshiligi janyndaǵy Aqparat jáne buqaralyq kommýnıkatsııalar agenttiginiń dırektory Asadjon Hodjaev, Qyrǵyzstan Mádenıet, aqparat, sport jáne jastar saıasaty mınıstrligi janyndaǵy Aqparat jáne buqaralyq kommýnıkatsııalar departamentiniń dırektory Salqyn Sarnogoeva, Túrikmenstannyń Ankaradaǵy elshisi Ishankýlı Amanlyev qatysady.

Іs-sharaǵa resmı delegatsııalardan bólek, túrki áleminiń BAQ jáne kommýnıkatsııa ınstıtýttarynyń basshylary, sarapshylar, óner qaıratkerleri, ǵalymdar men kommýnıkatsııa fakýltetteriniń stýdentteri de qatysady.

Qatysýshylar tsıfrlyq tehnologııamen jabdyqtalǵan stendter men foıede Túrki memleketteri uıymyna qatysýshy jáne baqylaýshy elderdiń buqaralyq aqparat quraldary men baılanys mekemeleriniń qyzmeti týraly aqparat ala alady.

Eske salsaq, Ortalyq Azııa elderinde qazaqstandyq JOO fılıaldary ashylýy múmkin.