Ystanbulda Túrki keńesiniń sammıti ótedi

YSTANBUL. QazAqparat – 12 qarashada Ystanbulda Túrki keńesi memleketteri basshylarynyń VIII sammıti ótedi, dep habarlaıdy QazAqparat tilshisi.

«Tsıfrlyq dáýirdegi jasyl tehnologııalar men aqyldy qalalar» taqyrybyna arnalǵan sammıtke Qazaqstan, Ázerbaıjan, Qyrǵyzstan, Ózbekstan jáne Túrikmenstan prezıdentteri, sondaı-aq Majarstan Premer-Mınıstri men Túrki keńesiniń bas hatshysy qatysady dep josparlanýda.

Memleket basshylary uıymnyń orta merzimdi jáne uzaq merzimdi perspektıvalaryna qatysty birqatar mańyzdy máselelerdi talqylaıdy.
Búgin, óz kezeginde, qatysýshy elderdiń Syrtqy ister mınıstrleriniń keńesi Sammıt aıasynda qol qoıylatyn túpkilikti kún tártibi men qujattardy daıyndaıdy.

Eske salsaq, Qazaqstan Prezıdenti Qasym-Jomart Toqaev Túrkitildes memleketterdiń yntymaqtastyq keńesiniń VIII sammıtine qatysý úshin eki kúndik jumys saparymen Ystanbul qalasyna keldi.