Ystanbulda túngi klýbtaǵy atysty uıymdastyrǵan kúdikti ustaldy
ASTANA. QazAqparat - Ystanbulda 40 adam qaza tapqan Reina klýbyndaǵy lańkestikti uıymdastyrǵan kúdikti tutqyndaldy, dep habarlady seısenbi kúni RIA Novostı Cumhuriyet gazetine silteme jasap.
A.S. esimdi ulty túrik Frantsııa azamaty «Islam memleketi» (IM, RF tyıym salynǵan) terrorıstik tobyna qatysy bar degen kúdikpen izdestirilip jatqan adamdar tiziminiń qatarynda bolǵan. Ol lańkestik áreketti júzege asyrǵan Abdýlkadır Masharıpov jasyrynǵan páterdi jalǵa alǵan.
Eske sala keteıik, Túrkııa megapolısindegi Reina túngi klýbyna shabýyl jańa jyldyń túninde jasaldy. Avtomatpen qarýlanǵan lańkester klýbty kúzetip turǵan polıtseıdi atyp, onyń ishinde bolǵan 700 adamǵa qarsy oq jaýdyrǵan. Túrkııa ІІM deregine súıensek, 40 adam qaza taýyp, 70-ten astamy jaraqat aldy. Jańa jyl túninde oryn alǵan oqıǵadan 13 eldiń ókilderi zardap shekti. Lańkestik áreketti jasaýshy 16 qańtar kúni Ystanbuldyń Esenıýrt aýdanynda antıterrorıstik operatsııa barysynda tutqyndaldy.
