Ystanbulda túngi klýbqa shabýyl jasalyp, 35 adam qaza tapty
ASTANA. QazAqparat - Ystanbulda Reina túngi klýbyna shabýyl jasalyp, kem degende 35 adam kóz jumdy, 40-taıy jaraqat aldy. Bul týraly Bı-bı-sı shahar gýbernatory Vasıp Shahınǵa siltememen habarlady.
Buǵan deıin BAQ shabýyldy 2 adam jasaǵanyn habarlaǵan bolatyn. Olar Santa-Klaýstyń kostıýmyn kıip alyp shabýyl jasaǵan.
Reina túngi klýby Beshıktash aýdanynda ornalasqan. Shabýyl kezinde onda eki-úsh júzdeı adam bolǵan.
Eske sala keteıik, 11 jeltoqsan kúni "Beshıktash" klýbynyń stadıony mańynda 2 kólik jarylyp, 44 adam qaza tapqan edi. Sondaı-aq sol joly 150-den astam adam jaraqat alǵan bolatyn.
