Ystanbulda órt sóndirý tikushaǵy janyp jatqan ǵımaratqa barar jolda apatqa ushyrady
ASTANA. QazAqparat - Ystanbulda Sikorsky S-76 órt sóndirý tikushaǵy qulady. Bortta jeti adam bolǵan.
Aldyn ala derek boıynsha, onyń tórteýi qaza tapqan. Beılıkdıýzıý aýdanynda tikushaq qulaǵan jerde qatty órt shyqty. Oqıǵa ornyna órt sóndirý brıgadasy attandy.
Tikushaq Ystanbuldaǵy kórme ortalyǵyna jaqyn mańdaǵy kúre jolǵa qulaǵan. Apat oryn alǵan jerde kólik turaǵy men birneshe turǵyn úıler ornalasqan.
Ystanbul qalasynyń syrtynda qulaǵan tikushaq tumannyń saldarynan apatqa ushyraýy múmkin. Ushqysh televızııalyq machtany ýaqtyly kórmeı qalǵan. Telemachta 15 jyl buryn qurylǵan, biraq sońǵy kezderi qoldanylmaǵan.
