Ystanbulda Nursultan Nazarbaevtyń ekonomıkalyq strategııasy talqylandy

YSTANBUL. QazAqparat - Ystanbul qalasyndaǵy Mımar Sınan atyndaǵy Beıneleý óneri ýnıversıtetinde «Qazaqstan Prezıdenti Nursultan Nazarbaevtyń ekonomıkalyq strategııasy» taqyrybymen paneldi otyrys ótti, dep habarlaıdy «Anadolý» agenttigi.

Ýnıversıtettiń tarıh fakýltetiniń dekany, professorAbdýlvahap Qara Nursultan Nazarbaev eldiń damý deńgeıin kóterý, saıası maqsattardy aıqyndaý jáne qýatty ekonomıkany qalyptastyrý maqsatynda 1997 jyldan beri Qazaqstan halqyna 23 ret Joldaý arnaǵanyn eske saldy.

Onyń aıtýynsha, Elbasynyń Joldaýlarynda Qazaqstan úshin ǵana emes, búkil túrki álemi úshin baǵdar bolyp tabylatyn keń aýqymdy ekonomıkalyq josparlar týraly aıtylǵan.

Budan keıin paneldi otyrys qatysýshylary QR Prezıdentiniń túrki álemindegi róli, Qazaqstan Táýelsizdik alǵannan keıingi onyń ekonomıkalyq strategııasy týraly baıandady.