Ystanbulda qyzǵaldaqtan álemdegi eń úlken kilem tóseldi
ASTANA. QazAqparat - Ystanbulda XII halyqaralyq qyzǵaldaq festıvali ashyldy. Bıyl aıtýly shara aıasynda bul shaharda qyzǵaldaqtyń 160 túrinen 26 mln 500 myń danasy otyrǵyzyldy.
Qalanyń kórikti oryndary, saıabaqtary men jol jıegi túrli-tústi gúlge oranyp tur,dep habarlaıdy 24.kz.
Sondaı-aq dástúrli festıval sheńberinde týrıster kóp keletin Sultan Ahmet meshiti men Aııa Sofııa murajaıynyń alańynda qyzǵaldaqtan toqylǵan álemdegi eń úlken kilem tóseldi. Onyń jalpy aýdany 1453 sharshy metrdi quraıdy. Uıymdastyrýshylar muny Ystambul qalasyn jaýlap alǵan jylǵa oraılastyrǵan. Sóıtip 564 myń qyzǵaldaq egilgen.
«Biz úshin qyzǵaldaq jáı ósimdik qana emes, tarıhymyz ben mádenıetimizde orny bólek erekshe gúl. Sondyqtan ony toqyma ónimderi men keramıkalyq buıymdarda, ebrý ónerinde jıi kezdestirýge bolady. Tipti bizde «qyzǵaldaq» degen esim de beriledi. Qazirgi tańda festıval buqaralyq sıpat alyp, keń kólemde toılanýda. Bul sulýlyqty tamashalýǵa qalamyzǵa elimizdiń ózge aımaqtarynan otandastarymyzben qatar shet memleketten týrıster arnaıy qydyryp kelýde. Byltyr Ystanbulǵa 9 mln sheteldik týrıst keldi. Bıyl ol kórsetkish artady dep úmittenemiz»,-deıdi Ystanbul qalasynyń meri Qadyr Topbash.
