Ystanbulda Qyrǵyzstan azamatshasy 60 myń dollarymen birge joǵalyp ketti
ASTANA. QazAqparat - Nurǵıza Qulmanbetova 11 maýsym kúni Toronto-Ystanbul-Bishkek baǵytymen ushqan, alaıda ol Ystanbulda iz-túzsiz joǵaldy. Bul jóninde óziniń Facebook paraqshasynda joǵalǵan qyzdyń ápkesi Gıýzal Kulmambetova jazdy, dep habarlaıdy Kabar agenttigi.
Onyń derekteri boıynsha, Nurǵıza Ystanbulǵa kelip, 4 saǵattan keıin ushaqqa otyrýy tıis bolǵan. Biraq Bishkek reısimen ushpaǵan.
«Ony 12 maýsym kúni shamamen saǵat 20:20-da geıttiń janyndaǵy kútý aımaǵynda kórgen. Odan keıin saǵat 22.06-da shekaradan ótken sııaqty bolǵan (Ystanbulǵa shyqqan). Sondaı-aq, 11 maýsym kúni Ankarada kartasynan aqsha alynǵan. Biz onyń kartochkasyn urlap aldy dep oılap otyrmyz. Ony kórgender bolsa, tómendegi nómirlerge habarlasýlaryn ótinemin: Qyrǵyzstan úshin: 996 555 896 888, Túrkııa úshin: +905533448759»,- dep jazǵan joǵalǵan qyzdyń ápkesi.
Syrtqy ister mınıstrliginde habarlaǵandaı, 13 maýsym kúni qyzdyń týystary SІM-niń konsýldyǵyna N.Qulmanbetova esimdi azamatsha baılanysqa shyqpaıtynyn aıtyp, Túrkııadan izdestirý jumystaryna atsalysýǵa ótinish bildirgen. Sol kúni basshylyq Túrkııadaǵy Bas konsýldyqqa jedel buıryq berdi. Bul másele tóńireginde izdestirý jumystary atqarylyp jatyr.
