Ystanbulda qulaǵan úıdiń astynan 17 adamnyń denesi shyǵaryldy

YSTANBUL. QazAqparat - Ystanbulda qulaǵan kópqabatty úıdiń astynda qalyp qoıǵan marqumdardyń sany 17-ge jetti, dep habarlaıdy QazAqparat Anadoly agenttigine silteme jasap.

Bul týraly Túrkııanyń densaýlyq saqtaý mınıstri Fahrettın Qoja aıtty. Buǵan deıin úıindi astynan 14 adamnyń denesi tabylǵany jóninde habarlanǵan edi.

Eske sala keteıik, 6 aqpan kúni Ystanbulda 8 qabatty úı opyrylyp qulaǵan bolatyn.

«Úıdiń tómengi qabatynda 20-25 adam jumys isteıtin sheberhana bolǵan. Jarylys bolǵan joq, úı ózinen-ózi qulaı bastady»,-deıdi aýdan turǵyny.

Kartal aýdanynda ornalasqan 12 páterlik úıdiń neden qulaǵany belgisiz.