Ystanbulda klýbtaǵy atysqa kúdiktiler ustaldy
ASTANA. QazAqparat - Ystanbulda polıtsııa 2017 jyldyń 1 qańtary kúni túnde Reina klýbynda oq jaýdyryp, atys uıymdastyrǵandardyń sybaılastary dep kúdik keltirilgen eki adamdy ustady.
Haberturk habarlaǵandaı, tutqyndalýshylar Ystanbul sotyna jetkizilgen.
Eske sala keteıik, Túrkııa megapolısindegi Reina túngi klýbyna shabýyl jańa jyldyń túninde jasaldy. Avtomatpen qarýlanǵan lańkester klýbty kúzetip turǵan polıtseıdi atyp, onyń ishinde bolǵan 700 adamǵa qarsy oq jaýdyra bastaǵan. Túrkııa ІІM deregine súıensek, 39 adam qaza taýyp, 70-ten astamy jaraqat aldy. Jańa jyl túninde oryn alǵan oqıǵadan 13 eldiń ókilderi zardap shekti.
