Ystanbulda Qazaqstan men Túrkııanyń jańa jobalary talqylandy
Kezdesýler eki el arasyndaǵy ekonomıkalyq yntymaqtastyqty jandandyrý maqsatynda uıymdastyrylǵan.
QR Investıtsııalar jáne damý vıtse-mınıstri Arystan Qabykenovtyń basshylyǵyndaǵy qazaqstandyq delegatsııa quramyna bıznes qaýymdastyǵy, memlekettik organdar, ulttyq kompanııalardyń jáne t. b. ókilderi kirdi.
Bir apta ishinde Qazaqstan delegatsııasy Yildirim Holding jáne Calik Holding sekildi Túrkııanyń iri ónerkásiptik toptarynyń basshylarymen kezdesti, olarǵa Calik Enerji men Lidya Madencilik sekildi kompanııalar kiredi.
Kezdesý barysynda Calik Holding ókilderi Qazaqstan aýmaǵynda jobalardy iske asyrýǵa ázir ekenderin jetkizdi. Máselen, kompanııa birinshi kezeńde qýattylyǵy 50 MVt bolatyn kún elektr stansasynyń qurylysyn bastaýǵa jáne jańartylatyn energııa kózderi boıynsha jobalardy júzege asyrýǵa salynatyn ınvestıtsııalardy ulǵaıtý múmkindigin qaraýǵa nıetti.
Sondaı-aq, taý-ken metallýrgııa salasy men energetıka sektorynda yntymaqtastyqty nyǵaıtý máseleleri talqylandy.
Budan ózge, Yildirim Holding basshylyǵy Qazaqstanda taý-ken metallýrgııa kesheni salasynda joobalardy iske asyrýǵa qyzyǵýshylyq tanytty. «Qazgeologııa» AQ men holdıng arasynda qatty paıdaly qazbalardy izdestirý maqsatynda jer qoınaýyn geologııalyq barlaý jóninde birlesken kásiporyn qurý týraly ýaǵdalastyqqa qol jetkizildi.
Búgingi tańda eki tarap bes joba boıynsha jumystar atqaryp jatyr. Sonymen qatar, holdıng bıyl jazda Jambyl oblysynda geologııalyq barlaý jumystaryn bastaýdy kózdep otyr.
Delegatsııa músheleri dári-dármek jáne tutyný taýarlaryn óndirýmen aınalysatyn Eczacıbaşı Holding jáne Qazaqstanda fabrıkalar ashýǵa qyzyǵýshylyq tanytqan, toqyma salasyndaǵy jetekshi kompanııalardyń biri Bak-Ay Tekstil basshylyǵymen kezdesti.
Aıta ketken jón, Calik Holding - Túrkııanyń energetıka, qurylys, qarjy, taý-ken metallýrgııa, toqyma jáne telekommýnıkatsııalar salasynda qyzmet kórsetetin iri qarjy-ónerkásiptik toptarynyń biri.
Lidya Madencilik-ke Túrkııanyń ekinshi eń iri altyn kenishi «Chepler Gold» shahtasynyń 20%, Alacer Gold-pen birge barlaý portfeliniń 50% tıesili. Shahtada altyn alǵash ret 2010 jylǵy jeltoqsan aıynda óndirilgen, qazirgi tańǵa deıin shamamen 1,2 mln altyn ýntsııasy alynǵan.
Yildirim Holding - álemdegi hrom ónerkásibindegi tórtinshi iri oıynshy, Túrkııanyń ammıak jáne azot qyshqylynyń kaltsıılengen tyńaıtqyshyn óndiretin iri óndirýshisi. Kompanııa jyldyq aınalymy $2,2 mlrd quraıtyn 11 sektorda jumys isteıdi.
