Ystanbulda qalyń qardyń kesirinen áýe reısteri keıinge shegerilýde
ASTANA. QazAqparat - Túrkııanyń Ystanbul qalasynan ushatyn júzdegen áýe reısteriniń ýaqyty ózgerip jatyr. Onyń negizgi sebebi - qalyń qar jáne aýa raıynyń kúrt ózgerýi, dep xabarlaıdy QazAqparat tilshisi.
" Ystanbul áýejaılarynda meteorologııalyq jaǵdaı kúrt nasharlap ketti. Sonyń saldarynan kóptegen reıster bógelip jatyr. Ol jaqta qalyń qar tústi. Endi, qazaqstandyqtar Túrkııada vızasyz júre alatyndyqtan, óz úılerine barǵandaı bolady. Al Ystanbul jaqqa, kóbinese, ózdigimen baratyn qazaqstandyqtar kóp", - deıdi QR Investıtsııalar jáne damý mınıstrliginiń týrızm departamentiniń basshysy Marat Iǵalı.
Aıta keteıik, kesheden beri Ystanbul áýejaılarynda kóptegen reısterdiń ushýyn toqtatty. Sebebi qalyń qarmen birge qatty jel soǵyp tur. "Turkish Airlines" kompanııasynyń ózi shamamen 400 ishki jáne sytqy reısterdi toqtatty. Onyń barlyǵy búgin ushýi tıis edi.
