Ystanbulda qalyń qar jaýdy – mektepter jabylyp, júzdegen reıs keıinge shegerildi

YSTANBUL. QazAqparat – Ystanbulda jáne Túrkııanyń birqatar óńirlerinde qalyń qar jaýdy. Bul týraly juma kúni Daily Sabah gazeti jazdy, dep habarlaıdy QazAqparat.

Ystanbulda jeke jáne memlekettik mektepterde sabaq bolmaıdy, jergilikti turǵyndarǵa jeke kólik aıdaýdan bas tartýǵa keńes berildi. Aıaǵy aýyr áıelder men múmkindigi shekteýli jandarǵa demalys jarııalandy.

Demalys kúnderi de qar jaýady, osyǵan baılanysty Turkish Airlines áýe kompanııasy senbige josparlanǵan 100-ge jýyq reıstikeıine shegerdi.

Ótken aptada qolaısyz aýa raıyna baılanysty Ystanbulda Turkish Airlines pen Pegasus kompanııalary 200-den asa reısin toqtatqan edi.

Jergilikti meteorologııalyq qyzmetterdiń boljaýynsha, osy joly jaýatyn qar ótken aptaǵa qaraǵanda qalyń bolmaq.