Ystanbulda halyqaralyq kitaptar kórmesi ótedi

ASTANA. QazAqparat - Ystanbulda 10-18 naýryzda V CNR halyqaralyq kitap kórmesi ótedi, dep habarlaıdy Anadoly.

Túrkııa Mádenıet jáne týrızm mınıstrliginiń deregi boıynsha, kórmege 350 otandyq jáne sheteldik basylymdar qatysady. Sheteldik basylymdardan álemniń 20 eli atsalyspaq.

Bıyl kórmege 450 myńnan astam adam qatysady dep kútilýde.

Kórmeni  Pozitif Fuarcılık A.Ş. kompanııasy jáne Túrkııa BAQ qaýymdastyǵy birlesip uıymdastyryp jatyr. Onyń maqsaty - qoǵamdastyqtyń nazaryn kitap oqýdyń mańyzdylyǵyna aýdarý.

Kórme uıymdastyrýshylary onyń aıasynda myńnan astam is-shara ótkizýdi josparlaýda.

Kórmege Qytaı, Iran, Shvetsııa, Kosovo jáne Rýmynııa elderi óz basylymdaryn usynbaq.