Ystanbulda bolǵan teraktini uıymdastyrýy múmkin kúdiktiniń sýreti jarııalandy

ASTANA. QazAqparat - Túrkııanyń memlekettik Anadolu aqparat agenttigi Ystanbuldyń ortalyǵyndaǵy Ortakeı aýdanynda ornalasqan Reina túngi klýbyndaǵy teraktini oryndaýshynyń sýretin jarııalady.

Ystanbuldyń Reina túngi klýbyna qarýly shabýyl Jańa jyl túninde jasaldy. Avtomatpen qarýlanǵan terrorshy klýbty kúzetip otyrǵan kúzetshini atyp, 700 adam bolǵan ǵımaratqa kirip, ondaǵy adamdarǵa oq jaýdyrǵan.

Túrkııa ІІM-niń málimetterinshe, 39 adam qurban bolyp, 69 adam jaralanǵan. Shabýyldaýshyny izdestirý sharalary jalǵasýda.

Reıter agenttiginiń málimetteri boıynsha, atalǵan teraktini «Islam memleketi» uıymy moınyna aldy.

Qazirgi tańda terrorıstik kim ekenin anyqtaý jumystary júrip jatyr. BAQ málimetterine qaraǵanda, shabýyldaýshy ne Ózbekstan, ne Qyrǵyzstan azamaty bolýy múmkin.

Polıtsııa qyzmetkerleri túngi klýb aımaǵyndaǵy beınekameradaǵy kórinisterdi zerdeledi. Onda terrorshynyń bet-álpeti aıqyn kóringen. Ystanbuldyń Bas prokýratýrasynyń Uıymdasqan qylmyspen jáne terrorızmmen kúres departamentiniń ókilderi atalǵan fakti boıynsha izdestirý jumystaryn júrgizip jatyr.