Ystanbulda apatqa ushyraǵan tikushaqtyń bortynda tórt reseılik bolǵan
ASTANA. QazAqparat - Ystanbulda apatqa ushyraǵan tikushaqtyń bortynda tórt reseılik bolǵan. Bul týraly TASS tilshisi tikushaq jolaýshylary qonaqtary bolǵan "Edjzadjıbashı grýp" kompanııasy baspasóz qyzmetiniń ókiline silteme jasap habarlaıdy.
«Biz qosymsha aqparattardy naqtylaımyz, ázirge tikushaqtyń bortynda tórt Reseı azamatynyń bolǵandyǵyn aıta alamyn», - dedi ol.
«Tasymaldaý kompanııasynyń deregi boıynsha, olar - Aleksandr Vanın, Igor Kochergın, Lıýdmıla Chýprova jáne Elena Badragan», - dep qosty baspasóz qyzmetiniń ókili.
Budan bólek, "Edjzadjıbashı grýp" kompanııasy dırektorlar keńesiniń basshysy Bıýlent Edjzadjı NTV telearnasyna bergen suhbatynda apatqa ushyraǵan tikushaqta konsortsıýmnyń Reseıdegi bólimshesi - Vitra Russia kompanııasynyń bas dırektory Salım Ozenniń qaza tapqanyn rastady.
«Bortta bizdiń Reseıdegi kompanııamyzdyń basshysy, sonymen qatar reseılik tórt klıentimiz boldy», - dedi ol. Olardyń barlyǵy "Edjzadjıbashı" fabrıkasyna ushyp bara jatqan.
Túrli derek boıynsha, bortta barlyǵy jeti adam bolǵan. Onyń beseýi ajal qushty.
