Ystanbulda 700 adamǵa qarsy oq atqan lańkes tutqyndaldy
ASTANA. QazAqparat - Túrkııanyń qaýipsizdik qyzmetteri Jańa jyl túninde Ystanbuldaǵy túngi klýbtardyń birinde atys uıymdastyrǵan Ózbekstan eliniń týmasy Abdýlgadır Masharıpovty tutqyndady, dep habarlaıdy QazAqparat NTV telearnasyna silteme jasap.
Telearnanyń quqyq qorǵaý organdaryndaǵy derekkózdiń málimetinshe, lańkesti tutqyndaý boıynsha operatsııa dúısenbi kúni keshke Ystanbuldyń Esenıýrt aýdanynda ótti.
Eske salaıyq, avtomatpen qarýlanǵan lańkes jańa jyl túninde Ystanbuldaǵy Retina túngi klýbynda 700 adamǵa qarsy oq ashqan bolatyn. Saldarynan 39 adam kóz jumyp, 69-y jaraqattandy. Bolǵan oqıǵa úshin jaýapkershilikti «Islam memleketi» (Qazaqstan aýmaǵynda tyıym salynǵan) lańkestik toby óz moınyna aldy.
Foto: twitter.com/cnnturk
