Ystanbulda 6 qabatty úı qulady
YSTANBUL. QazAqparat - Ystanbulda qulaǵan úıden keminde 1 adam mert boldy, dep habarlaıdy TASS NTV telearnasyna silteme jasap.
Qulaǵan úı 6 qabatty bolǵan.
Telearna taratqan málimetter boıynsha, osy kezde 4 adamdy qutqarý jumystary júrip jatyr. Telearna sonymen qatar jergilikti bılik ókilderine silteme jasaı otyryp 20-dan astam adamnyń qulaǵan úıindiler astynda bolýy múmkindigin habarlady.
«Úıdiń tómengi qabatynda 20-25 adam jumys isteıtin sheberhana bolǵan. Jarylys bolǵan joq, úı ózinen-ózi qulaı bastady»,-dep keltiredi NTV aýdan belsendisiniń sózin.
Kartal aýdanynda 12 páteri bar úıdiń neden qulaǵany osy ýaqytqa deıin belgisiz.
Telearna tilshileriniń habarlaýynsha, kýágerlerdiń keıbiri úı qular aldynda jarylysqa uqsaıtyn dybysty estigenderin aıtqan.
