Ystanbul ortalyǵyndaǵy jaıaý júrginshiler kóshesinde jarylys boldy

YSTANBUL. Anadolý-QazAqparat – Ystanbuldyń Beıoglý aýdanyndaǵy Istıklıal jaıaý júrginshiler kóshesinde jarylys boldy. Qala gýbernatory Alı Ierlıkaıa málim etkenindeı, zardap shekkender bar, dep habarlaıdy QazAqparat Anadolu agenttigine silteme jasap.

«Búgin jergilikti ýaqytpen saǵat 16:20-da Beıoglý aýdanyndaǵy Istıklıal kóshesinde jarylys boldy. Oqıǵa ornyna jedel járdem, qutqarýshylar, qaýipsizdik kúshteri men AFAD brıgadalary dereý jóneltildi. Qurbandan men zardap shekkender bar. Qosymsha aqparat taǵy jarııalanady», - dep jazdy Ystanbul gýbernatory Alı Ierlıkaıa Twitter-de.

Jarylystyń neden bolǵany ázirge belgisiz. Jaraqat alǵandardyń birqatary jaqyn mańdaǵy aýrýhanalarǵa jetkizilgen.

Polıtsııa qaýipsizdik sharalaryn qabyldap, kóshedegi jaıaý jolaýshylar men kólik qozǵalysyn toqtatty.

Sonymen qatar «Taksım» meshiti jabyldy. Aýmaqqa áýeden tikushaq arqyly baqylaý júrgizilip otyr.